Chega o mes de novembro e con el as castañas, o magosto, os froitos secos e xogos tradicionais.
Na nosa escola hai a tradición de tirar os trompos. Ao longo deste mes dende na aula de Educación Física experiméntase co trompo. O ano anterior fixemos unha exposición de trompos que tiña o mestre de Educación Física así que este ano propuxemos unha pequena investigación.
Partimos de libros de xogos tradicionais. Fomos pedindo ás aulas dende os distintos nomes que se lle da ao trompo nas distintas zonas, refráns relacionados co trompo, cantigas, sortes,... ata aprender a facer distintos trompos partindo dos froitos de inverno.
O resultado foi recollido nun mural.
Foi o noso primeiro intento de facer un proxecto de investigación que saía dende a biblioteca.
Atopamos moitos faios que pretendemos mellorar nas seguintes propostas.
O resultado:
No hay comentarios:
Publicar un comentario